El xuráu del XVI Premiu de Poesía «Fernán Coronas», que convoca la Sociedá Popular La Regalina de Cadavéu, conceyu de Valdés, decidió otorga-y el premiu al poemariu «Lo peor del bon tiempu», dHéctor Pérez Iglesias. El xuráu destacó el cuidáu na esresión enxertando la poesía asturiana nes nueves tendencies veníes dultramar.
Pérez Iglesias (Arlós; Llanera, 1978) ye Llicenciáu n’Hestoria pola Universidá d’Uviéu y tien nes llibreríes el poemariu Prisión de náufragu. Escribe n’asturianu y en castellán y algamó dalgunos premios pola so obra de narrativa y poesía. Destaquen l’«Asturies Xoven» de poesía por Las tardes baldías en 2003 y dellos cuentos pola so obra narrativa dirixida al públicu infantil. Participa de delles revistes lliteraries. A finales de 2006 faise con ún de los premios más prestixosos de la poesía asturiana, el «Nené Losada Rico» pola so obra L’amarga cazumbre, de la que’l xuráu reconoz ”abre(n) rumbos nuevos na poesía asturiana actual”. Collabora de revistes como Formientu o Lletres Asturianes.