La realizadora de cine Gracia Querejeta presentó esta selmana la so dimisión como vicepresidenta de l’Academia de Cine por una cuestión de “incompatibilidá” con otros proyectos, según confirmó la directora de películes como Siete meses de billar francés.
Querejeta, nel cargu dende apocayá más d’un añu, unvió esta selmana una carta al presidente, Antonio Resines, pa comunica-y oficialmente la so decisión, de la que yá falaren de manera informal. La ganadora de la Biznaga d’Oru por 15 años y un día ta más entornada nestos momentos na publicidá, anque confía en rodar la so próxima película l’añu que vien.
Dende’l puntu de vista de los proyectos en marcha, cree que ye un momentu guapu” pa l’Academia: “Especialmente la tema de la puesta en marcha de la Fundación paezme interesante nos tiempos que cuerren”, dixo en referencia a la creación d’esa institución de calter asistencial, social y cultural.