Furmientu celebra les IX Xornaes de Cultura Tradicional Zamorana

Esti llunes, 13 d’avientu, entamen nel salón d’actos de Caxa España de la cai San Torcuato de Zamora les Xornaes de Cultura Zamorana, cola conferencia titulada “Archivu d’escritura popular” a cargu de Pablo Tobal Sarto, de l’Asociación Etnográfica Bajo Duero. El martes 14 el miembru de Furmientu Pedro Gómez Turiel impartirá la conferencia “L’asturlleonés d’Aliste nel s. XXI”. Pa finalizar, el miércoles 15, y embaxo’l títulu “L’arquiteutura tradicional n’Aliste”. Sobre la necesidá de la so difusión preventiva, el tamién sociu de Furmientu José Félix Pérez Lorenzo, disertará sobro esti aspeutu del patrimoniu cultural zamoranu. Toles conferencies son a les ocho la tarde.