Formientu, Vía de Serviciu y los autores de Siero son güei protagonistes na Entamada ’07

La Casa Cultura de La Pola Siero va acoyer güei vienres un alcuentru lliterariu cola presencia d’autores asturianos de Siero y d’otros conceyos. Ye la Entamada ’07, que quier axuntar dalgunes de les novedaes editoriales últimes, como’l númberu 3 de la revista Formientu y l’antoloxía de narrativa moza ‘Vía de Serviciu’.

A les siete y media la tarde van entamar los actos cola presentación del númberu 3 de Formientu, un especial de lliteratura erótica onde apaecen autores como Jorge Fernández García, Pablo X. Suárez o Verónica Canel. Darréu va presentate l’antoloxía de narrativa moza ‘Vía de serviciu’, la primer edición de la editorial Suburbia. Más tarde va celebrase un ‘Alcuentru d’autores’ sotituláu ‘Recital de poesía non oficial’, nel que van participar autores como Sergio Gutiérrez.

Related posts

Payares acueye les XLI Xornaes Internacionales d’Estudiu de l’ALLA

La llangreana Beatriz Quintana gana’l premiu de narrativa mozo del Principáu

“Misteriu nel Soterrañu” algama’l premiu Alfonso Iglesias de cómic