El bailarín y coreógrafu malagueño Fernando Hurtado visita güei Xixón pa presentar en directu dos espectáculos de danza. La cita cola danza entama les 18:00 hores na Plaza l’Institutu (Plaza’l Parchís) cola puesta n’escena de la obra “Checkpoint” pa siguir a les 22:30 nel Centru de Cultura Antiguo Instituto col espectáculu “In Sistere”. La entrada ye llibre nes dos actueciones.
Fernando Hurtado ye un bailarín y coreógrafu malagueñu de dilatada carrera con cerca de venti años d’esperiencia nes tables. Varios premios figuren nel so curriculum ente ellos el tercer y primer premiu del Certamen Coreográficu de Madrid, poles obres “Deseu atrevido” (2000) y “Quisiera borrarte de un suspiro” (2001), respectivamente, y el primer premiu del II Certamen Coreográficu d’Andalucía, pola obra “Respira profundamente”.