La mayoría de los países europeos empezaron a reabrir les sos fronteres interiores nos últimos díes siguiendo los pidimientos de la Comisión Europea, qu’apocayá más d’una selmana encamentaba a los Estaos miembros a llevantar les sos restricciones fronterices antes del 15 de xunu. Ye’l casu de países como Francia, Alemaña o Bélxica, qu’abrieron les sos fronteres pa los viaxes escontra y dende la Unión Europea y otros países europeos el pasáu día 15.
N’otros países, sicasí, esta reapertura de fronteres ta amestada a numberoses restricciones y llimitaciones que varien según el país, y que los turistes que quieran entrar o salir d’éstos tienen de tener en cuenta. Asina lo amuesa la siguiente infografía de Statista, ellaborada a partir de los datos de la plataforma “Re-open EU”, que facilita información de la situación na frontera de los países miembros. Ye’l casu de países como España, unu de los más afectaos pola pandemia de coronavirus. Hasta hai dos díes yera obligatoria la cuarentena de 14 díes, con delles esceiciones, pa tolos viaxeros que lleguen a España, independientemente del so país d’orixe. España llevantó los controles fronterizos con tolos estaos miembros de la Unión Europea (sacante Portugal) a partir del 21 de xunu, coincidiendo col fin del estáu d’alarma, esaniciando asina mesmu la cuarentena.
Bruxeles encamentó qu’a partir del 1 de xunetu tamién empiecen a abrir les restricciones a los viaxes dende fora de la Unión Europea. El Gobiernu español yá anunció qu’esta apertura de fronteres con otros países ayenos a la Unión Europea va tar suxeta a diversos condicionantes, ente ellos, que la situación epidemiolóxica de dichos países sía análoga o meyor que la de la UE.
Fuente: https://es.statista.com