El Palaciu de Maqua acoyía esti xueves a les 18 hores la primer sesión del ciclu ‘Muyeres Inspiradores’ que pretende dar visibilidá a referentes de lideralgu femenín n’Asturies. L’actu, que coincide cola selmana na que se celebra’l Día de la Muyer y la Neña na Ciencia”, cuntó cola presencia de l’alcaldesa d’Avilés, Mariví Monteserín, amás de la concejala d’Igualdá, Lucía Fernández Ron.
Nesti primer alcuentru intervinieron Patricia Gómez Leiva, quien espunxo la so esperiencia na comunidá de muyeres a la que pertenez, Ana Carrau Mínguez, fundadora del ELCLUB The Impact Project, y Teresa Bustu, ex VP de Airbus y actual presidenta de ENTALENTA. Precisamente, según esplicó la directiva de ArcelorMittal, estos dos últimes sirvieron d’inspiración a la so propia carrera profesional y por eso quería traese a esti primer alcuentru n’Avilés.
Sol títulu ‘L’ADN del nuevu líder’, Teresa Bustu y Ana Carrau Mínguez van falar de la retención y captación del talentu, el propósitu como motor de la crecedera profesional y l’apueste por un lideralgu más humanista y con mayor capacidá d’impactu. Darréu va tener llugar una ‘Sesión co-creativa’ na qu’al traviés de metodoloxíes creatives les asistentes van trabayar en grupos el perfil y les necesidaes a cubrir del nuevu líder coles mires d’ellaborar un documentu didácticu co-creáu al que se va dar espardimientu darréu.
Entamáu pol Conceyu d’Avilés, la Casa de les Muyeres y ELCLUB The Impact Project, onsiste nun ciclu d’alcuentros a lo llargo del añu abiertu a muyeres profesionales que quieran promocionar nes sos carreres, entamadores que busquen contactos y conexones interesantes, y muyeres de too tipu que busquen inspiración al traviés d’otres muyeres.
ELCLUB The Impact Project ye un espaciu empobináu a muyeres directives pa la formación en lideralgos y qu’al traviés de les sos esperiencies y actividá sirven d’inspiradores a otres muyeres, dando mayor visibilidá a un estilu de autoliderazgo que busca un impactu positivu na sociedá. Apurre amás un mediu pa establecer o ampliar una rede de contactos profesionales.
Tres esti primer eventu, que tamién sirvió por que les muyeres participantes establezan una rede de contactos y relaciones profesionales ente elles (networking), la inteción ye caltener xuntes periódiques ente la Conceyalía d’Igualdá y Patricia Gómez Leiva que va liderar ELCLUB The Impact Project n’Asturies, pa la celebración d’un segundu alcuentru con prestixoses directives d’empresa procedentes de distintes localidaes d’España y que les sos participantes y fecha va comunicar al so debíu tiempu.