Escocia quier ser independiente, tamién n’Eurovisión

Alyn Smith, del Partíu Nacionalista d’Escocia ta acabante llanzar una camapaña na rede pa pidir qu’Escocia participe n’Eurovisión. Smith comentó que-y gustaría que “el mio país participare como independiente, pero como tovía nun ye posible, mientres tanto plantégase la posibilidá de facer como na UEFA (Federación Europea de Fútbol), y qu’Inglaterra, Irlanda del Norte, Gales y Escocia se turnen cada añu pa escoyer al representante del Reinu Xuníu”.

Dende la organización d’Eurovisión reconocieron “tar encantaos” col interés d’Escocia por sumase al eventu.

L’aceptación d’esta iniciativa podría abrir el camín a otres naciones ensin estáu nel festival européu de la canción.