Equidá y coeducación son dos de les prioridaes que la Conseyería d’Educación marcóse a la de diseñar la formación de los docentes asturianos p’anguaño. Asina-y lo treslladó esta selmana la conseyera, Carmen Suárez, a directores de los cuatro Centros de Profesoráu y Recursos d’Asturies (CPRS), nuna xunta caltenida na see de la conseyería a la qu’asistió tamién la directora xeneral d’Ordenación, Evaluación y Equidad, Paula García.
Al pie de la equid´ña y la coeducación, la conseyera faló tamién de la Formación Profesional, la sostenibilidá y les tecnoloxíes de la información y la comunicación como les exes principales a la de diseñar los cursos de formación que los CPR ufierten. Nel alcuentru, los directores y la conseyera tuvieron tamién ocasión de falar de les comunidaes d’aprendizaxe, incluyíes na nueva edición del contratu programa y que colexos como’l Miguel de Cervantes de Xixón solicitaron ayudes públiques pa llevar a cabu.
Amás, comentaron los procedimientos pa la rindición de cuentes (procesos que los colexos consideren cada vez más complicaos), según el sistema de xestión económica de los centros, el polémicu GICE que tantos inconvenientes presentó y sobre el que va haber nueva formación.