Entamen un taller d’instalación de software llibre n’Uviéu

L’Asociación de Software Libre de la Escuela d’Inxeniería Informática d’Uviéu (E.I.I.), organiza xunto coles organizaciones Ubuntu-ast, Asturlinux, y Softastur, la “Linux Install Party”. Los interesaos n’instalar o conocer qué ye Ubuntu o otra distro GNU/Linux, pueden averase a la Escuela d’Inxeniería Informática d’Uviéu, el vienres 12 de payares, de 15:00 a 18:00 ó de 18:00 a 21:00, col so ordenador.

La iniciativa ye dafechu de baldre, cuntando col sofitu técnicu de les persones que collaboren nes cuatro asociaciones.