La Universidá d’Uviéu yá tien la maquinaria en marcha pal cursu que vién y entama poniendo en marcha unu de los procesos clave a la fin del presente curso académicu: los plazos de solicitú de plaza y matriculación pa los Graos y Másteres que s’imparten na institución académica asturiana.
Según informaba esti día la Universidá d’Uviéu, el próximu 6 de xunu remata’l plazu de preinscripción, abiertu’l pasáu 10 d’abril. Les llistes provisionales d’almisión van salir publicaes el 21 de xunu y la primer llista d’almitíos va ser publicada’l 5 de xunetu. Aquelles persones qu’hayan llogrando la so plaza, van poder reserarla ente’l 6 y el 11 de xunetu.
Va Haber un segunda llista d’almitíos, tres los correspondientes periodos de reclamación (22 al 26 de xunu) y los arrenuncios que siempres se producen, que va salir el 17 de xunetu. Van Tener dempués trés díes (del 18 al 20) p’acutar la so plaza.
Pa toos ellos, el periodu de matriculación va ser del 7 d’agostu al 1 de setiembre. Dambos procesos, los de preinscripción y los de matrícula realizar por internet, ente les 9 hores del primer día establecíu y les 14 hores del últimu día fitu.
Per otru llau pa empecipiar los estudios de Grau con almisión directa (ensin solicitú de plaza) la inscripción abarca del 3 de xunetu al 1 de setiembre. El mesmu periodu que pa siguir con estudios yá empecipiaos. Nel casu de los Graos con ‘numerus clausus’, el periodu de solicitú de plaza toma del 16 de xunu al 3 de xunetu, saliendo la primer llista d’almitíos el 13 de xunetu y estableciéndose la matrícula ente’l 13 y el 17 de xunetu. Esti periodu ye’l mesmu que s’afita pa les posibles reclamaciones antes de publicar la segunda llista d’almitíos el 20 de xunetu (matriculación ente’l 20 y el 24 de xunetu) y la tercera, el 27 de xunetu (matriculación ente’l 27 y el 31 de xunetu).
Tamién estos procesos van facese por internet, dende les 9 hores del primer día establecíu, hasta les 14 hores del últimu día fitu.
Los estudios de la Universidá d’Uviéu pa los que nun va ser necesariu solicitar plaza son los siguientes:
Grau en Derechu: G. en Eduación Social (centru adiscrito priváu); G. n’Estudios Clásicos y Románicos; G. n’Estudios Ingleses; G. en Filosofía; G. en Xeografía y Ordenación del Territoriu; G. n’Hestoria; G. n’Hestoria del Arte; G. n’Hestoria y Ciencies de la Música; G. en Llingua Española y les sos Lliteratures; G. en Llingües Modernes y les sos Lliteratures; G. en Marina; G. en Náutica y Tresporte Marítimu; G. en Terapia Ocupacional (centru adscritu priváu); y Grau en Turismu (tanto en centru universitariu como en centru adscritu priváu). Ufiértense un total de 3.529 places, siendo’l Grau d’Alministración y Dirección d’Empreses, con 250, el que mayor númberu ufierta.