Entama’l Festival Folclóricu Internacional de Xixón con grupos de Chile, Siria, China, Osetia, Murcia y Asturies

Xixón recibe güei a los grupos participantes na Selmana de Folclor de la ciudá, que va celebrase hasta’l próximu 27 de xunetu y qu’esti añu medra en conteníos. Dende esti añu va ser vezu sumar la participación d’un grupu procedente del pueblu o conceyu ganador del Premiu Príncipe d’Asturies, n’esti casu “Folclor Ayerán”, del conceyu d’Ayer, que van sumase na primer xornada a “Xaranzaina”, de Xixón, y Millauquen, de Chile.

Pero los actos van entamar primero, a les 22:00 hores, cola interpretación del himnu oficial o “Valse de la Camaretá”.

Mañana vienres, a la mesma hora, van actuar los grupos folclóricos “Azabache” (Xixón) y “Abdullah Bittar” (Siria) amás del grupu de coros y dances “Museo de la Huerta”, d’Alcantarilla, Murcia. El sábadu 26, va ser el turnu del grupu “La Alegría”, de Xixón, los percusionistes chinos “Shaanxi” y el Grupu Folclóricu Nacional Arfan, d’Osetia del Norte. Nes cais de la ciudá va poder amás, estos díes, deprender baille tradicional de la mano de los grupos llocales.