El Conceyu de Xixón pon en marcha el programa Trans4Life de mentorización pa impulsar la empleabilidá en mocedá menor de 30 años qu’anguaño nun tean trabayando nin estudiando.
Esta iniciativa , Trans4Life, impulsada dende l’Axencia Local d’Empléu nel marcu del Programa d’Activación Xuvenil, tien como oxetivu ayudar a les y los participantes a incorporase al mercáu llaboral, tanto a quien busquen un primer empléu como a quien quieran tresformase profesionalmente y adquirir nueves conocencies.
Cada persona va disponer d’un mentor o mentora que , al traviés de sesiones personalizaes, va compartir la so esperiencia y va collaborar na definición d’una estratexa pa la busca d’empléu y la realización personal y profesional.
Les mentorías van empezar a desenvolvese el día 11 de payares con una duración de cuatro selmanes. Una vegada rematen, va realizase un eventu de clausura onde se van esponer les conclusiones.
Les inscripciones p’aquellos profesionales que quieran participar en Trans4Life tán abiertes.