Más de 70 espertos axuntaon esta tarde, dende les 16.30 hores, na cuarta edición del Health 2.0 Asturies col lema “Marketing ya innovación, esenciales nes startups de salú”. L’eventu, entamáu por Salú Social Media, Uviéu Entama y la Asocación Renovación Asturies, tuvo llugar nel Viveru de Ciencies de la Salú d’Uviéu.
Health 2.0 Asturies ye’l foru asturianu d’un alcuentru internacional con presencia en 80 ciudaes de too el mundu. Nesti tipu d’alcuentros entren en contactu startups, desarrolladores y profesionales de la salú y TIC pa la presentación de nuevos proyectos ya idees en relación a les nueves tecnoloxíes y la salú. Nesta ocasión, cinco startups van esponer los sos proyectos.