El Vieyu Institutu de Xixón acueye la esposición “Mª Teresa González: una collacia ente nós”

Esti vienres pasáu inauguróse en Xixón la esposición como un homenaxe a la escritora xixonesa, Mª Teresa González, a la que’l Gobiernu-y dedicó esti añu la XXIX Selmana de les Lletres Asturianes. La muestra va poder vese nel segundu pisu del Vieyu Institutu Xovellanos de Xixón.

Na esposición van poder vese los trabayos ganadores del segundu concursu “Ruempi la mollera”, organizáu pola Oficina Municipal de la Llingua de Xixón, xunto cola amuesa dedicada a Mª Teresa González. Les dos esposiciones van tar abiertes hasta’l 21 de xunu.