“Kodama, el espíritu del Bosque” va ser la teatralizción coral que los grupos Aurum y Peques LDO presenten, embaxo la dirección d’Elena Rosso, esti sábadu nel Teatru Xovellanos de Xixón.
Espectáculu creáu a partir de la teatralización de nueve pieces de cantar coral, que, curioso enllazaes, utilicen el monte y los sentimientos qu’ésti xenera nel ser humanu como filo conductor. El cantar coral y el movimientu escénicu al pie de otres disciplines teatrales, musicales y visuales tales como’l teatru de movimientu, la escenografía, el llume, la caracterización, la interpretación musical y les proyecciones audiovisuales son los elementos qu’utilicen el coru femenín AURUM y el coru infantil Peques LDO para treslladanos coles sos voces y movimientos a un mundu poéticu cargáu d’alegoríes ya imaxes que remembren almiración y amor a la naturaleza.
AURUM nació a principios de 2012 y consta de muyeres que formaron parte o siguen formando del coru infantil “Peques LDO”, y que dalgunes d’elles son yá cantores del coru mistu LDO. Garantízase asina la continuidá de les voces nueves faciendo un entemediu ente’l coru infantil y l’adultu. El so oxetivu fundamental ye la busca de la más alta calidá sonora, al traviés de la diversidá vocal y estético, amás d’un compromisu emocional col públicu, gracies a los programes específicamente escoyíos y trabayaos pa cada ocasión.
PEQUES LDO foi creáu nel añu 2000 como parte del proyectu coral “El Llión d’Oru”. Tien como oxetivu’l formar coralmente a los más pequenos, col fin de crear una cantera coral. Na actualidá componesede 45 voces y cuenta con un repertoriu amplio y variao n’aestilos. Dende los sos primeros años d’andadura foi convidáu a numberosos festivales corales de la rexón, según a certames nacionales de prestíu. Llogró primeros premios en dellos Concursos nacionales como’l XXVII Certame Nacional d’Habaneres de Totana (Murcia) en 2007, y nel Certame Internacional d’Habaneres y Polifonía de Torrevieja (Alicante) en 2004 y 2008.
Organizador: DIVERTIA – TEATRO XOVELLANOS
Cuando: 1 de mayu de 2021 a les 18:30
Más información