El Teatru Llangréu de Sama quedó desaniciáu dafechu tras dun incendiu qu’asocedió pasada la una la madrugada d’esti miércoles y que sigún los informes de la policía local del conceyu “pudo ser provocáu”.
L’incendiu anicióse na parte trasera del teatru, nuna zona que s’alcuentra conectada col Institutu d’Educación Secundaria Jerónimo González, que tuvo a puntu de cayer tamién afectáu pel fueu de nun ser pol avisu d’un vecín.
Les primeres investigaciones apunten a un incediu provocáun pola rotura de dellos cristales nel pasiellu que xune l’institutu col teatru.