El teatru asturianu costumbrista va preparase pa incluyise nun futuru na programación televisiva directamente dende les tables del Teatru Prendes de Candás. L’escenariu candasín, que va acoyer el próximu branu de 2014 la so ventiava cuarta edición, cuenta con un proyectu pa grabar en directu les representaciones cola fin de facer un posterior pase per televisión.
La idega ye facer un programa asturianu, pero exportable, y únicu na televisión española, yá que solo esiste’l precedente d’Estudiu 1, pero cola diferencia de qu’esta vegada trataríase de la primer esperiencia con públicu en directu.
El proyectu cunta conl respaldu dafechu del responsable del Teatru Priendes de Candás, Alain Fernández y cola participación de la empresa d’audiovisuales carreñense Algamar Producciones, amás del enfotu del Conceyu de Carreño, y constaría d’una primer temporada de trece capítulos de 120 minutos caún, coles dolce obres del próximu Salón de teatru costumbrista asturianu de Candás.