El Conseyu Xeneral del Real Institutu d’Estudios Asturianos (RIDEA) escueye esti martes 10 los nomes de los candidatos pa ocupar tres places vacantes na institución. Ente les persones propuestes ta l’ex presidente del Principáu Juan Luis Rodríguez Vigil, xunto a otros cinco candidatos.
Amás de Vigil, aspiren a ocupar un sitiu como nuevos miembros del RIDEA la historiadora del Arte Pilar García Cuetos, el prehistoriador Juan Fernández Tresguerres Velasco, l’economista Antonio Álvarez Pinilla, l’hematólogu y recopilador de tradiciones orales Joaquín Fernández García y el profesor de Filoloxía latina Antonio García Leal.