L’actividá ‘Música nel Muséu’ ye la propuesta que ta programada pa desenvolvese’l sábadu 3 de xunetu nel Muséu del Pueblu d’Asturies cuntando cola participación de Carreru & Blanco, Ambás y Ramsés, Xeitu y Caldu y Los Rabizos. Del 17 al 25 de queda abiertu’l plazu d’inscripción.
Música nel muséu ye l’espaciu d’alcuentru que propón el Muséu del Pueblu d’Asturies pa la música tradicional asturiana, que nes décades caberes asentóse nel panorama cultural asturianu y frutió propuestes anovadores y venceyaes colos problemes y esmolecimientos del tiempu de nueso.
Tres del silenciu que truxo l’andanciu del Covid-19, el muséu nagua por refacer los sos venceyos cola población xixonesa al traviés d’una programación variada, dinámica y sobre too prestosa que nos ayude a recobrar poco a poco la normalidá na nuesa vida.
Muséu del Pueblu d’Asturies
Preciu: Gratuitu. Ye necesaria inscripción previa.
Places: Conciertos 75 / Pandereta 10
Cuando:
Del 17 de xunu de 2021 al 25 de xunu de 2021
3 de xunetu de 2021 De 10:00 a 21:00