El Proyectu RCCA (Reinterpretación Contemporanea de la Cultura Asturiana) de Ricardo Villoria ta amosándose en Llanes a lo llargo d’esti branu nel que va poder visitase tolos díes de la selmana hasta’l 31 de xunetu nel Muséu Etnográficu del Oriente d’Asturies en Porrúa.
El proyectu de Ricardo Villoria ASTURIES XXI busca l’estudiu, la documentación y la reinterpretación de les formes d’espresión y comunicación de la cultura tradicional asturiana, dándo-y una visión novedosa al traviés de la imaxe y la forma de representación.
El proyectu presentase en trés partes. La primera consiste en trabayar la estética y forma de representación de les pareyes tradicionales de gaita y tambor, pandereteres y pareyes de baille tradicional; la segunda consiste nel rexistru de voz ya imaxe de distintos intérpretes de cantar asturianu, y na tercera desenvuélvense trés pieces úniques, ellaboraes por modistes y xastres asturianos según otros artesanos.
Del 1 de xunu al 31 de xunetu de 2022
Horariu de visita:
Xunetu: abiertu tolos díes de 11:00 a 13:30 y de 17:00 a 20:00 h.
Muséu Etnográficu del Oriente d’Asturies
33509 Porrúa
T: 985 400 174 / 684 658 146