L’artista vascu Pablo Astrain recoyó ayeri en Pola de Siero’l premiu como ganador del XII Certame “Casimiro Baragaña” de pintura, qu’apurrió amás dos talos premios a Teruhiro Ando y Jezabel Rodríguez, segundu y tercer respectivamente nel concursu.
La entrega de premios coincidía amás cola inauguración de l’amuesa coles obres escoyíes, lo que dio la ocasión a los artistes de ver les sos obres yá colgaes na sala d’esposiciones polesa. “Hasta agora namá lo viera nel estudiu, pero ver agora’l cuadru colgáu da-y otra dimensión. Ye como velo crecer, ta nel so sitiu”, comentaba Astrain, qu’incidía en que’l premiu del certame sierense, nel que participaba amás per vegada primera, ye un sacalliñu pa siguir la so trayectoria artística.
L’amuesa coles obres escoyíes pol xuráu del certame “Casimiro Baragaña” va permanecer espuesta na sala polesa hasta’l próximu 25 de noviembre.