A estes altures, l’Ayuntamientu Xixón nun tien convocáu el 11×12 pa esti cursu, lo que xenera problemes na conciliación de muches families de la Villa de Xovellanos, según denunciaba esti día’l Partíu Asturianista.
El 11×12 ye un programa de conciliación familiar que permite que los ñeños queden na escuela, cuidaos y comiendo, hasta les seis y media de la tarde, dempués que termina la xornada escolar.
El PAS critica fondamente que l’Ayutamientu nun convocara entá esti programa, “de mou y manera que la próxima selmana, que deberíen apuntase los ñeños que tuviesen qu’ensertase nel programa porque los pás tienen que trabayar, nun pueden facelo”.
Pal PAS, “nidiamente, tamién tán afectaes les empreses y los trabayadores que se faen cargu del programa -ayenos a l’alministración-, yá que, na fecha de güei nin siquier ta convocáu’l concursu”.
Un total de 10 colexos participaron l’añu pasáu nesta iniciativa. Los colexos foron l’Asturias, Federico García Lorca, Ramón Menéndez Pidal, Begoña, Gaspar Melchor de Jovellanos, Rey Pelayo, Clarín, El Llano, Montevil.