El Partíu Asturianista celebró un homenaxe al Presi en Xixón

El PAS volvió a celebrar un añu más el so tradicional homenaxe al renovador de la música asturiana, José González, «El Presi», xunto a la estatua qu’esti tien nel barriu d’El Carmen, en Xixón. La cita, na que participó Xuan Xosé Sánchez Vicente, sirvió tamién como homenaxe a Xulio el xastre, militante del PAS y ún de los más importantes defensores de la figura d’El Presi, y del treslláu, nel so día, del bustu del cantante dende’l Pueblu d’Asturies hasta’l so barriu.