El Louvre, el muséu más visitáu del mundu, nun va abrir les sos puertes esti domingu pela mañana por cuenta de “discutinios” col personal sobro la epidemia causada pol nuevu coronavirus, sigún la xerencia del establecimientu parisín.
”Hai una xunta d’información ente los funcionarios del muséu y l’alministración sobro la situación de salú y les midíes preventives rellacionaes col coronavirus, esto retrasa l’apertura del muséu”, dixo un voceru del establecimientu. ”Los discutinios duraron tola mañana”, dixo, y amestó que se fadría un comentariu más tarde güei.
Francia cuntaba cuando se tomó la decisión esti llunes con 100 casos probaos dende finales de xineru. Dos persones morrieron. La creciente epidemia llevó al gobiernu a anunciar nueves midíes el sábadu pa frenar l’espardimientu del virus. Ente ellos, la cancelación de tolos eventos de más de 5,000 persones n’espacios zarraos.
El muséu parisín recibió 9,6 millones de visitantes mientres tou 2019. A mediaos de xineru, el muséu de París foi bloquiáu per un día por güelguistes opuestos al proyectu de reforma de pensiones.