El grupu de folc lletrónicu ‘Xera’ toca güei en Ponferrada

Güei, 5 de setiembre, van poder sentise los sones del grupu asturianu Xera en Ponferrada. El grupu, qu’amiesta los soníos folc y la música lletrónica actua nesta llocalidá lleonesa dientro de los ‘Circuitos Injuve’ qu’organiza l’Institutu de la Mocedá d’España.

Nesti conciertu van amosar los sones del so discu nuevu ‘Lliendes’, qu’amiesta a la tradición la música lletrónica. Una de les novedaes d’esti grupu ye la so renuncia a los drechos d’autor económicos, asina los sos cantares son de llibre descarga y usu y baxo la llicencia ‘Creative Commons’.