El Conseyu de Ministros aprobó’l vienres un decretu llei de midíes urxentes p’ampliar el calendariu d’implantación de la Lomce y va adoptar midíes ante los hinchentes sufiertos nos últimos díes por delles provincies andaluces.
El decretu llei qu’amplía’l calendariu d’implantación de la Lomce ye consecuencia del alcuerdu al que se llegó díes tras nel Congresu pa constituyir una subcomisión na Cámara que busque un pactu d’Estáu pola educación.
La iniciativa aprobada plantega que la subcomisión redacte nel plazu de seis meses un informe de diagnósticu y conclusiones sobre’l sistema educativu que sirva pa un ampliu alcuerdu parlamentariu y social. Entós, el Gobiernu va redactar y va unviar a les Cortes un proyectu de llei que “sustituya” la lexislación vixente (incluyida la Lomce) con vocación de “estabilidá”.
El testu aprobáu precisa que se va suspender el calendariu d’implantación de tolos aspeutos de la mesma Lomce qu’entá nun s’aplicaren mientres se llogra’l pactu educativu y entra a valir la nueva llei d’educación.