Ábrese una nueva convocatoria del COVID-MAG, l’anováu formatu del Concursu Internacional de Música Antigua que s’entama dientro del Festival de Música Antigua de Xixón y que nesta ocasión, siguiendo’l modelu empecipiáu l’añu pasáu, ufre un concursu que volverá ser puramente online, al traviés de vídeos que se van esibir na canal de YouTube.
Va Haber dos categoríes:
A. Interpretación de pieces al cargu de formaciones vocales, instrumentales o mistes, que cunten con un mínimu de dos integrantes y un máximu de trés.
B. Interpretación de pieces al cargu d’un/a únicu/a ejecutante.
Los premios van ser de 1.500 € (categoría A) y de 900 € (categoría B), según un Premiu Especial al Meyor Montaxe Audiovisual, de 600 €.
Pa participar tendrás de grabar dos vídeos independientes (semifinal y final) con pieces de non más de los 6 minutos de duración, y unviales, xuntu cola documentación riquida, antes del llunes 28 de xunu de 2021, a les 23.59 hores.