El documental “Remolina” va proyuetase en Llugones esti vienres 13 de xineru, a les 19.30 hores, na Casa de Cultura local. A la fin de la proyección abrirase un coloquiu col so autor, Luis Felipe Capellín.
A finales de los años 40 yera asesináu nos montes d’Amieva un mozu moteyáu “Remolina”. Yera, según dicen quien lo conocieron, una bona persona, un chaval que fora trabayar como criáu en dalguna casa del conceyu. Naide sabe precisar el so llugar de procedencia nin naide tampoco ye capaz d’esplicar les razones poles qu’un día decidió echase al monte. Lo único ciertu ye que dempués d’un tiempu poniendo en xaque a la Guardia Civil y a la contrapartida, foi abarganáu y asesináu nel Llanu L´Argayu. Llueu, el pastores y vecinos de la zona empezaron a cantar cantares y a cuntar hestories nes que “Remolina” apaecía como un home dispuestu a ayudar, siempres, a los más humildes, a los más probes. Esta película pretende recuperar la so memoria…y la de tantos otros.
El Documental tien una duración de 19 minutos y a la fin de la proyección, va abrise un coloquiu col autor.