L’Academia de la Llingua Asturiana (ALLA) fizo esta selmana pasada, en Xunta Ordinaria de la institución, la escueya de la data pa la celebración del Día de les Lletres Asturianes, que va volver a los horarios de tarde que siempres caltuvo.
Superada la situación pandémica, l’Academia quier que nesti 5 de mayu se recupere dafechu la normalidá, volviendo al Teatru Campoamor na tarde del vienres.
Sicasí, l’Academia presenta una novedá nel horariu, motivada por razones informatives y organizatives, al tar previsto que los actos emprimen a les 7 de la tarde. Nes selmanes vinientes, l’ALLA va siguir trabayando na programación del Día de les Lletres Asturianes, que va conocese definitivamente nel mes d’abril.