El curtiumetraxe “Dos sabios” asoleya banda sonora y blogue oficial

Los responsables del curtiumetraxe “Dos sabios”, rodáu la selmana pasada n’Uviéu pola directora Rocío García Campelo, tán acabante presentar el blogue oficial del curtiu y la banda sonora, que pue sentise n’esti vidiu y que ta compuesta pol escritor y músicu Xaviel Vilareyo, productor de “Dos sabios”.

El blogue del curtiumetraxe http://rociogarciacampelodossabios.blogspot.com/ inclúi delles estayes nes que pue consultase’l guión, basáu nun cuentu de Clarín, ver semeyes del rodaxe y de les llocalizaciones y conocer el pasu de la directora, realizadora de la BBC, per Asturies. La páxina contién los testos n’asturianu, castellán ya inglés, llingües nes que va poder vese la película, protagonizada por Lluis Antón González y Pepe Santovenia.

El curtiu “Dos sabios” va estrenase n’abril, dientro del Festival Asturianu de Cine, qu’esti añu va celebrase n’Uviéu.

Blogue oficial del curtiu “Dos sabios”

Related posts

La gala de los Goya va celebrase en Valladolid pa 2024 y en Granada en 2025

Avilés proyecta “Patriarcáu, l’organismu nocivu”, un documental contra la violencia machista

La última Palma d’Oru en Cannes brilla nel ciclu del Cine de los Martes de primavera