El Conservatoriu d’Avilés ufierta un taller de iniciación musical infantil d’ochobre a mayu y con plazu d’inscripción dende’l martes 6 hasta’l vienres 16 de setiembre va tar abiertu’l plazu de preinscripción.
El Conservatoriu Municipal Julián Orbón ufierta un taller de iniciación musical pa neños y neñes de siete años. Tratased’un cursu previu al accesu a les enseñances reglaes de música que ta afitáu nos 8 años. Por ello, va ser requisitu indispensable que los alumnos nacieren nel 2015.
Con una hora a la selmana de clases ente los meses d’ochobre a mayu, el costu de la matrícula va xubir a 145 euros, siendo d’aplicación les bonificaciones contemplaes na ordenanza municipal.
Dende’l martes 6 hasta’l vienres 16 de setiembre va tar abiertu’l plazu de preinscripción. Les solicitúes podrán presentar de manera telemática los padres/madres, tutores llegales o les persones qu’ostenten guardar y custodia del menor al traviés de la See Electrónica (https://sedeelectronica.aviles.es/Convocatories). L’orde d’inscripción va determinar el derechu d’almisión al taller.
Los oxetivos qu’escuerre esti taller de iniciación musical son:
- Fomentar el gustu pola música.
- Reconocer les cualidaes del soníu.
- Utilizar la voz como medio d’espresión y de comunicación.
- Desenvolver la coordinación motriz al traviés de la música y del movimientu.
- Conocer los preseos musicales.
- Empobinar preferencies pa la futura elección instrumental.
Los conteníos básicos van ser los siguientes:
- Espresión corporal.
- La espresión vocal.
- Audición musical.
- Los preseos musicales.
- El ritmu.
- Les cualidaes del soníu.
- Improvisación musical.