Un total de 17 establecimientos van participar na I Ruta del Marianito de Vermut n’Uviéu, iniciativa que se va llevar a cabu, dende esti llunes al 2 de xunetu y que se presentara hai unos díes en rueda de prensa.
Uviéu va cuntar, per primer vegada, con una ruta específica del vermut. El Xefe de serviciu de promoción económica del Conceyu, Eugenio Corpas, y David González Codón de la Xunta local de Otea presentaron la selmana pasada la iniciativa en rueda de prensa.
González destacó que participen 17 establecimientos de tola ciudá que van sirvir “lo que se conoz como medio vermut o marianito y que na mayoría de los casos va sirvise acompañáu de encurtidos”. Pa la promoción realizáronse cartelos y un gastromapa. Amás, dende Otea punxéronse en marcha un concursu fotográficu nel que los participantes van poder xubir al Facebook una imaxe del vermut col hastag #Vermut2017 y van participar nel sortéu d’una cena pa dos.