La Xunta de gobiernu municipal dio lluz verde esta mañana a un proyectu d’empleabilidá dirixíu a muyeres de 45 años del conceyu, coordináu poles conceyalíes d’Educación y Emplegu del Conceyu d’Uviéu y que va facese al traviés de la Universidá Popular d’Uviéu.
La propuesta uvieina foi escoyida nun concursu nacional convocáu pola Federación Española d’Universidaes Populares (FEUP). El presupuestu pa realizar l’actividá ye de 15.884 euros, cofinanciaos pol Institutu de la Muyer y la FEUP.
Englobado nel programa SARA que busca promover la participación social y llaboral de les muyeres desemplegaes, el proyectu uvieín va tar centráu na atención sociosanitaria a persones dependientes n’instituciones sociales. Primero va llevase a cabu un periodu de formación que va emponer a les participantes al traviés de distintes fases qu’inclúin la motivación y l’orientación na busca activa d’empléu. El programa va concluyir con unes práctiques profesionales non llaborales.