Esti vienres seis científicos van atrevese a xubise a les tables del teatru Filarmónica pa narrar, en clave d’humor, el trabayu que realicen diariamente coles mires d’averar la ciencia a la sociedá. Joaquín G. Norniella, Beatriz García, Germán Orizaola, M. Antonia López Antón, Javier Cristobo y Silvia M. Villamea van ser los protagonistes de la tercer edición del Club de la Ciencia.
Esta tercer edición foi presentada esti día pola conceyala d’Educación, Mercedes González, al pie de Teresa Valdés y Ánxeles Gómez, impulsores d’esta iniciativa, quien quixeron sorrayar y estimar l’esfuerzu d’estos profesionales que deciden “salir de la so zona de confort” para “enfrentase a 700 esaminadores” para falar de forma amena y risondera “de lo que más-yos apasiona: el so trabayu”.
“Un espectáculu de primer nivel” concluyó la conceyala que vamos poder esfrutar de forma gratuita tantu asistiendo al teatru como vía streaming al traviés de la web de CSIC Asturies o de la so canal de Youtube.