El cine de los martes volvió a la Casa de la Cultura d’Avilés y cada martes ufrirase una nueva proyección con cintes de variaes nacionalidaes y temátiques.
La primer cinta en llegar a la pantalla de la Casa de Cultura foila griega “Llagosta”, protagonizada por Colin Farrell y Rachel Weisz, esti pasáu martes 19 de xineru. Un total de 6 títulos van partir nos martes de los meses de xineru y febreru, toos ellos son trabayos premiaos en distintos festivales. Les cintes escoyíes son de nacionalidá arxentina, griega, islandesa, italo-francesa, española y húngara.
Les entraes pa caúna de les proyecciones – que van ser en versión orixinal subtitulada en castellán – cuesten 3 euros y van poder adquirise na taquilla de la Casa Municipal de Cultura de llunes a vienres de 11 a 14 hores y de 18 a 21 hores y los sábados de 11 a 14 hores.
La conceyala de Cultura, Yolanda Alonso, y el programador del ciclu, Jorge Iván Argiz, presentaron a metanes d’esti mes a los medios de comunicación la programación cinematográfica de la Casa de Cultura, que complementa la del Centru Niemeyer.