La obra de la compañía asturiana “El Desván de los Deseos” xúnese a la celebración del Día del Llibru n’Avilés. La representación va tener llugar esti vienres 21, a partir de les 18 hores, con entrada ye llibre hasta completar l’aforu, teniendo los menores que dir acompañaos.
L’estrenu de la obra “Marce y Dioni” de la compañía asturiana “El Desván de los Deseos”, dientro del ciclu de Teatru Familiar n’Avilés, sumase a les actividaes de celebración del Día del Llibru. Tratase d’un espectáculu dramáticu concebíu como animación a la llectura.
Va Tener llugar esti vienres nel Teatru de Los Canapés a les 18 hores y ta enmarcada nes actividaes de los centros socioculturales entamaes pola conceyalía de Cultura. La entrada ye llibre hasta completar l’aforu y los menores tendrán d’allegar acompañaos.
La obra ta escrita y empobinada por Cristina Pérez ya interpretada por Tere Quirós y la mesma Cristina Pérez. Ta encamentada pal públicu ente 5 y 8 años y el públicu familiar.
Cunta la hestoria de Marcela y Dionisia, dos personaxes del Sieglu d’Oru español que llegaron a la dómina actual faciendo un viaxe nel tiempu. La razón: un escritor amigu de só, Miguel de Cervantes, que tuvo una visión del futuru na que la xente escaecer de los llibros y el so únicu cometíu ye coyer polvu nes estanteríes de les cases y de les biblioteques.
Esta obra ta concebida como una animación a la llectura, por que los más pequenos vean nos llibros un elementu de diversión y non una imposición de les escueles. La función faise en collaboración cola Conseyería de Cultura al traviés del programa Circuitu Asturianu de Teatru..