El cantautor Víctor Álvarez toca na Arribada

Mañana, xueves 15 de setiembre, a les 20:30 hores nel patiu del CCAI, el protagonista de Sones, ciclu de l’Arribada, va ser el cantautor asturianu Víctor Álvarez, que va interpretar parte del so repertoriu últimu.

Víctor Álvarez estudió guitarra y solféu col profesor Vicente Cuezva Barranco. Foi finalista en 2001 del concursu de maquetes de CADENA 100. De 2002 a 2003 foi guitarra y voz del grupu La intención. De 2002 a 2007 tenor segundu na Coral Polifónica de Gijón. En 2003 grabó con La intención una maqueta nel estudiu del Taller de Músicos del Antiguu Institutu Xovellanos. En 2004 recibe un cursu de técnica vocal a cargu del director Luis Gutiérrez Arias. En 2005 ye tenor segundu na ópera “Pelagio” interpretada nel Teatru Xovellanos baxo la dirección de Mariano Arias. De 2006 a 2009 ye’l cantautor acompañante del grupu poéticu Encadenados. Tien actuao como cantautor n’abondos escenarios, dende l’Atenéu de La Calazada o la sala polivalente del CCAI a locales como’l Tom Corless o The Class o espacios como la Semana Negra.

En directo interpreta temes musicales de los años 70 como “Space oddity”, “Angie”, “Dream a little dream of me”, “Across the universe”, etc…,que s’axunten a un repertoriu con cancios propios.