La conseyera d’Educación dio les primeres instrucciones oficiales sobro la posible reapertura de los centros educativos a partir de la próxima selmana, apautando que se van llimpia los centros d’Infantil y Primaria, pero ensin decidió si van abrir.
Failo dirixiéndose a los conceyos, que son los xestores de les escueles de primer ciclu d’Infantil, esto ye, los centros de 0 a 3 años. Y esa coordinación pasa por encargar la llimpieza de los equipamientos. Eso sí, dexó claro que nun hai nenguna decisión tomada. Solo dellos escenarios y, ente ellos, la posible apertura a partir del día 25 pa los menores de 6 años que los sos padres trabayen de forma presencial.
Pero la comunidá educativa nun ta pol llabor del regresu. Henar García, presidenta de l’Asociación d’Escueles Infantiles d’Asturies, recueye la esmolición de tolos y toles educadores, que ven invidable garantizar les midíes de seguridá con neños tan pequenos.
Y CCOO criticó que la conseyería anunciara ensin axustar colos representantes de los y les trabayadores los protocolos de prevención y seguridá oportunos, «que nun fueron ellaboraos nin afechos a cada tipu de centru». Tamién ANPE amosó ayeri’l so refugu.