Día del Llibru Asturianu: Descuentos del 10% nos llibros en llingua asturiana

Los actos de la XXXI Selmana de les Lletres Asturianes terminen güei vienres, col ropiu Día de les Lletres, nel que’l Gobiernu d’Asturies entama’l Día del Llibru Asturianu, con descuentos del 10% nes llibreríes axuntaes a esta promoción, que son les más de les del país.

Amás, en Mieres, a les 12 hores, celébrase l’actu escolar institucional de celebración, cola intervención d’autoridaes, la entrega de premios del “XV Concursu de Poesía y Dibuxu” y del “VII Concursu de Cartelismu”, amás de delles actuaciones musicales.

Mañana, sábadu 8, y como vien siendo vezu dende l’aniciu de la RPA, el programa “Nomes d’Asturies” va facer una emisión especial na que va poder conocese la vida del autor. “Xose Antonio García, vida d’un poeta” emitiráse a les dos de la tarde.