Dani de la Cuesta presenta l’estudiu “Averamientu a la tabla tañida y otros sones”

El Monesteriu de San Pelayo d’Uviéu acueye güei, xueves 28 de mayu, la presentación del estudiu Averamientu a la tabla tañida y otros sones, del investigador y músicu Dani García de la Cuesta. A partir de les ocho la tarde De la Cuesta va presentar esti trabayu nel que afonda na apaición de referencies en dellos testos medievales asturianos sobre l’usu d’un instrumientu idiófonu usáu como llamáu a conceyu.

“El datu del usu más antiguu rexistráu hasta agora d’esti instrumentu”, comenta l’autor “remóntanos al 6 de xunu del 1289, precisamente nel propiu Monesteriu de San Pelayo, de lo que fai agora 720 años” .