El director de cine francogriego Costa-Gavras, de 85 años, va recibir el Premiu Honoríficu de la Presidencia y de la Xunta de l’Academia de Cine Européu nel marcu de la 31ª edición de los Premios del Cine Européu que va tener llugar el próximu 15 d’avientu en Sevilla.
Con esta reconocencia, la institución cinematográfica europea deseya rindir un homenaxe especial a un destacáu director y una personalidá con una fuerte voz política que non solo ye fondamente respetáu polos sos colegues, sinón tamién pol públicu de too el mundu.
Costa-Gavras ye’l quintu cineasta en recibir esta reconocencia. Los ganadores anteriores fueron Manoel de Oliveira, Michel Piccoli, Sir Michael Caine y Andrzej Wajda. Carmen Maura y Ralph Fiennes tamién van recibir premios honoríficos