El director de cine Francis Ford Coppola, Premiu Princesa d’Asturies de les Artes 2015, llegó esti miércoles al Hotel Reconquista, n’Uviéu, onde va tar hasta’l vienres pa recoyer el so galardón.
Coppola va participar esti xueves a les 17.00 hores en Xixón nun actu con mozos realizadores y estudiantes de cine, denomináu ‘Coppola espresso’. Más tarde, a les 18.30, va tener un alcuentru col públicu’l xueves nel Teatru Xovellanos (Xixón). Les entrugues seríen escoyíes d’ente les que’l públicu asistente al ciclu de proyecciones quixera formular. Ta previstu que la Reina Doña Letizia asista a esti actu, que les sos imaxes nun van poder ser emitíes nin por Internet nin por redes sociales, según informó la Fundación Princesa d’Asturies.