La organización de la Feria del Miel de Boal vieno acabante d’abrir esta fin de selmana’l plazu p’aquellos que quieran participar con un stand na mesma hasta’l próximu día 23 d’ochobre. La Feria celebrase los próximos 31 d’ochobre y 1 de payares.
El certame, entamáu pola Asociación d’Apicultores y el Conceyu de Boal, va cumplir anguaño 29 ediciones y paralelamente a l’actividá mercantil, desenvuélvense nelli otres actividaes como les xornaes apícoles y diversos concursos empobinaos a la participación d’apicultores y públicu polo xeneral: concursu de mieles, platos ellaboraos con miel, el concursu del cartelu anunciador de la feria de 2016 y un concursu de maquetes, dirixíu a escolares.
Boal apurre amás cada añu’l premiu El Cortín, que se creó al envís de reconocer el trabayu d’aquelles persones ya instituciones que s’estremaren pol so sofitu y promoción de l’apicultura, tantu a nivel asturianu como nacional; un premiu que s’otorgó yá a dieciocho persones y colectivos.