L’escritor vascu Bernardo Atxaga va dar una conferencia’l próximu 8 de xineru, a partir de les 20,00 hores, nel Club de Prensa Asturiana. L’actividá, na qu’Atxaga desenvolverá les sos opiniones sobre la situación d’Euskadi, ta organizada pola Asociación de Xóvenes Historiadores.
Bernardo Atxaga ye’l creador d’obres como Obabakoak, pola que algamaría’l Premiu Euskadi, el Nacional de Narrativa, el Premiu de la Crítica y el Prix Millepages, l’añu pasáu Obabakoak llegó al cine dirixida por Montxo Armendáriz col títulu d’Obaba.