El cantautor Toli Morilla va dar un conciertu nel chigre de la Xunta pola Defensa de la Llingua Asturiana, La Casa Posafuelles, el próximu día 29 de setiembre a partir de les diez y media la nueche. L’autor del discu ‘Entre el barro y las preguntas’ va repasar en directu’l so repertoriu, incluyíos los temes del so últimu espectáculu y discu, ‘Nueche d’insomniu’, nel que musicaba a estremaos poetes asturianos y que fue acoyíu con gran esitu per parte del públicu.