Coldplay anunció esta selmana pasada’l llanzamientu del so nuevu álbum “Music of the Spheres”, la novena grabación d’estudiu de la banda británica, pal próximu 15 d’ochobre.
Al traviés d’un mensaxe nes sos redes sociales, el grupu lideráu por Chris Martin confirmó la salida del so esperáu discu, que ta producíu pol suecu Max Martin, conocíu por haber collaboráu con munchos de los grandes nomes de la música pop como Taylor Swift, Katy Perry, The Weeknd o Britney Spears.
Coldplay acompañó’l so anunciu con un trailer musical de motivos espaciales, llamáu “Overtura”, nel que música de la banda acompaña un paséu sideral ente planetes. Amás, esplica que’l nuevu single del discu, “Coloratura”, va apaecer el vienres, dempués de que’l primeru, “Higher Power”, yá fora llanzáu en mayu.