Christopher Walken va recibir el Gran Premiu Honoríficu de Sitges na 49ª edición del festival de Cine Fantásticu de Cataluña, según anunció esti día Ángel Sala, director de l’amuesa. “El fantásticu ye unu de los campos nos que la figura de Christopher Walken rellumó siempres”, señalaron dende’l certame al traviés d’un comunicáu de prensa.
L’actor neoyorquín, que va compartir l’honor col actor suecu Max von Sydow, foi ganador del Óscar al meyor actor secundariu en 1978 pol so personaxe de Nick n’El cazador, de Michael Cimino, cuenta con más de venti premios y cuarenta nominaciones a los sos llombos. “Con esti premiu queremos recordar tamién a esa gran figura que se foi anguaño, Michael Cimino, de quien Walken foi actor fetiche”, afirmó Sala na presentación del festival en Madrid.