Esti sabadu los monólogos de Carlos Alba Cellero, recién ganador del Premiu Nel Amaro de Teatru van servir pa abellugar la entrga premios del Concursu de Cuentos pola Oficialidá del Asturianu, que convoca’l Conceyu Bimenes y ganara esti añu Pablo Rodríguez Medina.
Esti sábadu 2 d’avientu, de magar les 12’30 hores, nel Muséu Casa de les Radios, en Suares (Bimenes) cellebraráse la entrega premios del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu venti premiando al escritor entreguín Pablo Rodríguez Medina.
Y tres l’actu protocolariu, y la llectura del cuentu ganador na voz del so autor, actuará’l monologuista Carlos Alba, col so personaxe Cellero representando “La llei del cuchu”. Da la casualidá de que Carlos Alba ta acabante de ganar el I Premiu Nel Amaro de Teatru Profesional n’Asturianu, convocáu pola Conseyería d’Educación y Cultura del Principáu d’Asturies, polo que dende’l Conceyu Bimenes aprovechamos pa da-y la norabona.
El segundu premiu foi pal cuentu “Polly a les puertes del paraísu”, de Lluis Aique Iglesias Fernández (Sotrondio, 1967), y Llucía Fernández Marqués (Xixón, 1974) con “Ca tolos vientos” algamó’l tercer premiu.