Los internautes asturianos reclamen el dominiu .ast como seña d’identidá de la comunidá asturianofalante na rede. Con esti fin un grupu d’internautes acaben de crear l’Ensame pol puntu AST una comunidá dende la que concienciar sobre lo afayadizo d’identificar les páxines escrites n’asturianu embaxo esti dominiu.
Siguiendo l’exemplu de la creación del dominiu .cat a finales de 2005 esti grupu d’internautes tien por aciu amuesar la presencia de la llingua y la cultura asturiana na rede mediante la creación d’esti dominiu.
L’Ensame pol puntu AST tien entamada una campaña na rede na que mediante una imaxe se reclama la creación d’esti dominiu.